@deniskwok193 憑一次敢言嘅訪問一夜爆紅，相信大家都 #知佢咩料啦 ！喺資訊爆炸嘅年代仲可以掀起另一次電視大戰確實係值得期待，其中一個討論點係：就3爺嘅言論而言，到底講正確嘅嘢，定講大眾想聽嘅嘢，先係啱？
事情發酵幾日，我開始著眼事情嘅其他面向。
3爺嘅言論，資料上算係正確嘅(相信呢幾日大家都睇到好多唔同媒體就嗰幾百部電視機做咗唔少數據上嘅分析)，但係大家到底係因為佢陳述正確嘅事而獲得掌聲，定係因為喺呢個自由罕有過白海豚嘅時代下，講出正確嘅事嗰股勇氣先係大家趨之若鶩嘅原因呢？
最基本嘅經濟理論：Demand and Supply。
我識、你識、TBB膠層都識。
正當大家笑鳩TBB仲改埋千禧五虎(遲咁廿年版)、開心大綜藝(戇鳩當好睇)、大整蠱(求鳩其？！)等脫節節目名，我又再度跌入工作上帶畀我嘅反思：到底應該做最好嘅嘢，定做市場想要嘅嘢？
要對得住大灣區嘅「鼎力支持」，作為經營咗五十幾年嘅商業機構嚟講，hit中個市場重要過Portfolio。
返到生活上，呢種情與理嘅角力無限延續：做正確嘅事，定做大眾期望嘅事，先係最終勝利嘅關鍵？
回歸基本步，打倒巨人，係需要做，定人做我做？諗清楚，兩個心態好唔同，而心態決定狀態，點樣先叫做最好嘅結果？值得一再反思。
#193 #郭嘉駿 #反擊與反思
#叛逆中女 #手寫 #手寫字 #文字 #寫字 #書法 #繁體字 #廣東話 #手繪 #插畫 #插圖 #水彩 #語錄 #手寫語錄 #calligraphy #handwriting #brushcalligraphy #inkdrawing #watercolor #brushlettering #brushpen
Search